Gibeon-meteoriet

Gibeon
Gibeon-meteorite-in-Post-Street-Mall.jpg
Voorwerp
Tipe Yster
Groep IVA[1]
Samestelling 91,8% Fe; 7,7% Ni; 0,5% Co; 0,04% P; 2,4 dpm Ir; 1,97 dpm Ga; 0,111 dpm Ge
Datum Voorgeskiedenis (val)
1838 (ontdek)[1]
Waargenome val Nee
TBG 26 000 kg[1]
Verstrooi Ja
Gebied
Land Vlag van Namibië Namibië
Streek Hardap

Die Gibeon-meteoriet is 'n meteoriet wat in die voorgeskiedenis in Namibië geval het. Dit is genoem na die naaste dorp, Gibeon. Dit is deur die Nama ontdek en gebruik om wapens en gereedskap te maak.

Geskiedenis

In 1836[1] het die Engelse kaptein J.E. Alexander stukke van die meteoriet in die omgewing van die Visrivier versamel. Hy het dit na die sterrekundekenner John Herschel gestuur, wat hulle ondersoek en die buiteaardse bron daarvan bevestig het.

'n Uitgestalde deel van die meteoriet in Windhoek.

Tussen 1911 en 1913 is 33 fragmente van die meteoriete naby Gibeon versamel en na die hoofstad, Windhoek, gebring. Hulle het tussen 195 en 506 kg geweeg en is in 'n enkele hoop uitgestal. 'n Openbare fontein is beplan om hulle beter ten toon te stel, en terwyl hulle geberg is, is twee stukke gesteel. Die fontein is in die Post Street Mall opgerig, met twee leë pilare vir die vermiste stukke. Sedertdien is nog twee stukke verwyder, en daar is dus tans net 29 stukke te sien.[2]

Verstrooiingsveld

Die fragmente van die meteoriet in die verstrooiingsveld is versprei oor 'n elliptiese gebied van 390 km lank en 120 km breed. Die kern van die veld is naby die dorp Gibeon in Namibië se Hardapstreek. Sowat 100-150 stukke is mettertyd versamel en nuwe stukke word steeds nou en dan gevind.[2]

Gibeon-meteoriete is saamgestel uit 'n ysternikkellegering met aansienlike hoeveelhede kobalt en fosfor. Dit het 'n pragtige kristalstruktuur.

Verwysings

  1. 1,0 1,1 1,2 1,3 Gibeon by die Meteoritical Bulletin Database Besoek op 7 September 2022.
  2. 2,0 2,1 Voigt, Andreas (2004). National Monuments in Namibia: An Inventory of Proclaimed National Monuments in the Republic of Namibia. Gamsberg Macmillan. pp. 1–3. ISBN 9991605932.

Skakels

  • "Gibeon Iron Meteorites: Their Discovery, History and Research"
  • Wikimedia Commons logo Wikimedia Commons het meer media in die kategorie Gibeon-meteoriet.
  • Nuvola apps bookcase 2.svg Hierdie artikel is in sy geheel of gedeeltelik uit die Engelse Wikipedia vertaal.

Koördinate: 25°20′S 18°00′O / 25.333°S 18.000°O / -25.333; 18.000