Siljansring

Siljansring
'n Satellietfoto van die Siljansring. Die Siljansmeer beslaan 'n groot deel van die suidwestelike hoek van die nou geërodeerde krater.
'n Satellietfoto van die Siljansring. Die Siljansmeer beslaan 'n groot deel van die suidwestelike hoek van die nou geërodeerde krater.
Slagstruktuur
Sekerheid Bevestig
Deursnee 52 km
Ouderdom 376,8 ± 1,7 miljoen jaar
Frasnium
Ontbloot Ja
Gebied
Land Vlag van Swede Swede
Distrik Dalarna
Ligging
Die ligging van die Siljansring in Swede.
Emoji u2b55.svg

Die Siljansring (Sweeds: Siljansringen) is 'n prehistoriese slagkrater in Dalarna, Sentraal-Swede.[1] Dit is een van die grootste 15 bekende slagkraters op Aarde en die grootste een in Europa, met 'n deursnee van sowat 52 km. Die slag wat die Siljansring geskep het, het gebeur toe 'n meteoriet die aardoppervlak in die Devoonperiode, sowat 376,8 ± 1,7 miljoen jaar gelede, getref het. Dit stem min of meer ooreen met die eerste Devoon-uitwissing, Kellwasser-voorval of Laat-Frasnium-uitwissing sowat 376,1 ± 1,6 miljoen jaar gelede.[2] Die gevolge van die inpak kan duidelik gesien word in die rotslaag in die ongewing. Die rotse uit die Kambrium, Ordovisium en Siluur wat deur die impak misvorm is, is ryk aan fossiele.

Onlangs is in die gebied om die Siljansring geprospekteer vir olie en aardgas, maar geeneen van die projekte was tot dusver ekonomies volhoubaar nie. Aan die oostekant van die ring is groot neerslae lood en sink.

Verskeie mere kom in die omgewing voor, waarvan die Siljan die grootste is. Dit lê aan die suidsuidwestekant van die krater, met die kleiner Orsameer in die weste en die Skattungen en Ore in die noordooste.

Verwysings

  1. Glasby, Geoffrey B. (2006), "Abiogenic Origin of Hydrocarbons: An Historical Overview", Resource Geology 56 (1): 85–98, doi:10.1111/j.1751-3928.2006.tb00271.x, ISSN 1344-1698, http://static.scribd.com/docs/j79lhbgbjbqrb.pdf .
  2. J.R. Morrow en C.A. Sandberg (2005). Revised Dating Of Alamo And Some Other Late Devonian Impacts In Relation To Resulting Mass Extinction, 68th Annual Meteoritical Society Meeting (2005)

Skakels

  • Nuvola apps bookcase 2.svg Hierdie artikel is in sy geheel of gedeeltelik uit die Engelse Wikipedia vertaal.